Jungschi Linge
Jungschar - das isch Abetüür im Freie, Erläbe vo biblische Gschichte und gueti Fründschafte! Chinder vo der 2. bis 6. Klasse si bi üs willkomme!
D Jungschi Linge isch es gmeinsams Agebot vo dr EFG Linge und der Kirchgmeind Linge. Si isch em BESJ (Bund Evangelischer Schweizer Jungscharen) agschlosse.
Mir träffe üs jede zwöit Samstig jewils vo 13:30 bis 17:00 Uhr. Treffpunkt isch jewils am 13:15 bim Kirchgmeindhuus Linge (mit Velo) oder 13:30 direkt bir EFG Ried.
Mitnäh müesst dir, wenn nid speziell vermerkt, gueti Chleider und es Sackmesser.
Z aktuelle Jungschiprogramm findsch hie:
Infos zum Jungschinami:
Das dir immer ou z richtige derbi heit füre Jungschi Namitag, düe mir immer churz vorem Namitag ä Information düregä. Dört säge mir wasme aues sött derbi ha und wenn & wo üse Träffpunkt isch.
Sit nöischtem chunnt üses Infotelefon übere Eltere-Whatsapp-Chat.
Für meh Infos chasch di gärn mäude:
Keya | 077 503 05 98
Benä | 077 435 67 38
Jungschi Highlights – Bildstrecke
Hier findest du Impressionen der Jungschiaktivitäten in Form von Bilder:
Sola 2027
Regisola im Mittelalterdorf
10.–16. Juli 27 | Münsingen BE
Zäme mit üsere Jungschi Region gö mir im 2027 wieder i ds Regio Summerlager. Mir erläbä dört imne Mittelalterdorf bestehend us 6 Zältdörfer hutnah d Zyt vo dä Ritter und Burge.
Üses Zältdorf boue mir zäme mit der Jungschi Graduus, wo mir immer wieder mit ihne zäme ds Summerlager dürefüehre.
Jungschi | Medien und Links
Üsi Jungschi Föteli findsch uf dr Website
D Föteli si nume mit eme Passwort verfüegbar. Zuegriff chasch du bi Benä // 077 435 67 38 übercho.
Jungschi | Lager und Weekends
Die Events söttisch nid verpasse!
- Üses UFLA (Auffahrtslager)
- Sommerlager i dr zwöite Feriewuche (ab dr 4. Klass)
- Sommerevent i dr letzte Feriewuche (ab dr 2. Klass)
- Müllersbode-Biwak afangs September (Sa. uf So.)
